Мафијашките организации заработуваат 3,3 милијарди евра од туризмот во Италија, покажува истражувањето на Институтот за испитување на јавното мислење Демоскопика и објавено во вторник.

Прометот и профитот на мафијата ќе се зголемат следната година, јубилејна за Римокатоличката црква, со милиони верници кои се очекува да пристигнат во Рим и 2026 година, кога ќе се одржат Зимските олимписки игри на северот на земјата.

Според истражувањата, мафијашката организација која најмногу профитира од туризмот е калабриската 'Ндрангета, која заработува повеќе од 1,6 милијарди евра годишно.

Камора, која главно работи во Неапол и околниот регион Кампања, заработува повеќе од 950 милиони евра.