Конклавата во Систинската капела во Ватикан ја следат огромен број новинарски екипи од целиот свет, а локалното население во италијанската престолнина Рим најде начин добро да заработи од неа.

„Кориере дела Сера“ објави дека 5.300 новинари се акредитирани да го следат изборот на новиот поглавар на Римокатоличката црква по смртта на папата Франциско.

Телевизиските станици ширум светот имаат директни преноси од Ватикан, а балконите на зградите на улицата Павле Шести се најдобро позиционирани за ова.

Од тие тераси и балкони, подобро може да се види оџакот од кој треба да се појави бел чад ако се избере нов папа или црн чад ако е потребен нов круг гласање.

„Кориере дела Сера“ објави дека овие балкони сега се издаваат под кирија за 500 евра на ден.

Денеска е вториот ден од конклавата во Ватикан, се чека денеска да се види каков чад ќе излезе од оџакот, бел или црн.