Италијанците нема каде да ги погребаат починатите, протестираа вработените во погребалните друштва
Работниците во погребалните друштва од Рим денеска протестирале поради големото доцнење на погребите на градските гробишта и им порачале на властите дека не се способни да се изборат за големиот број на смртни случаи кои се последица од коронавирусот.
Компанијата „АМА", која се занимава со погребување и кремирање, признава дека се соочила со ситуација без преседан и дека работи на правење на 60.000 нови гробни парцели за градот.
Градот има 4.763 починати повеќе меѓу октомври 2020-та и март 2021-ва отколку во истите месеци во 2019/2020 година, со тренд на пораст кој продолжува и во април.
Италија досега пријавила 116.000 смртни случаи поврзани со коронавирусот. Последните месеци вирусот однел поголем број на жртви во централна и јужна Италија.
Ројтерс пренесува дека директорите на градските гробишта соопштиле дека повеќе од 2.000 тела се чуваат во еден римски крематориум, некои и од почетокот на годината, а кој, инаку, може да изврши околу 50 кремации на ден, додека поради големиот број на погреби мртовечниците на другите гробишта се преполни.
Слично
Поврзани вести
