Новиот проект „Биолошка банка„ што заеднички го спроведуваат Универзитет во Милано и болницата „Фатебенефратели Сако“ вклучува собирање и складирање на сите биолошки примероци, крв и ткиво, кои се поврзани со коронавирусот. Оттаму велат дека ова е можност за студирање и развој на стратегија за дијагностика и терапија, вклучително и вакцина.

За отворање на лабораторијата и истражувачкиот центар банката БПМ донираше 800.000 евра, а истовремено се планира изградба на простор од 170 метри квадратни за земање мостри. Тоа ќе биде дел од биолошката банка во кој ќе се чуваат и до 18 криогени садови. Ќе има и просторија за замрзнување и чување прибраните материјали.