Италија и Русија објавија создавање на заеднички инвестициски фонд во износ од 1 милијарда евра ( 1,4 милијарди долари ) по состанокот на претседателот Владимир Путин со италијанскиот премиер Енрико Лета. Потпишани се 28 договори , вклучително и за олеснување на царинските процедури за италијанскиот бизниси кои извезуваат за Русија , и за создавање на филијала на Ермитаж во Венеција . " Овие една милијарда евра ќе им помогнат на нашите заеднички активности и ќе го стимулираат растот на нашите две земји", изјави Лета на прес-конференција во Рим. Путин додаде дека економската соработка била во центарот на агендата на двајцата државни водачи . " Италија треба да го развива својот меѓународен пазар и да стимулира повеќе директни инвестиции " , изјави Лета по средбата во североисточниот италијански град Трст . Италијански официјални претставници изјавија пред средбата дека ќе се истражуваат интересите на Русија за инвестирање во задолжениот авиопревозник Alitalia , која бара странски партнер , и во фабриката за челик ILVA . Италијанските медиуми јавија дека енергетските гиганти Eni и Enel исто така ќе се стремат кон намалување на цените за увоз од Русија во момент кога Италијанците врзуваат крај со крај на позадината на најдолгата повоена рецесија во земјата. Лета и Путин разговарале и за подготовките за мировната конференција за Сирија , договорот за нуклеарната програма на Иран и нестабилноста во Медитеранот поради состојбата во Либија . Путин рече дека договорот со Иран " ќе ја зголеми безбедноста на целиот Блиски Исток , вклучувајќи и на Израел " .