Водечките европски берзански индекси покажуваат негативна динамика денес покрај слабите финансиски показатели на најголемите светски IT-компании.

Кон 12.09 часот британскиот индекс „FTSE 100“ се намали за 0,75% до 6718,17 поени, францускиот „CAC 40“ - со 0,31% до 5090,95 поени, германскиот „DAX 30“ - со 0,29% до 11570,78 поени.

„Европските акции го следеа падот на светскиот пазар поради разочарувачките резултати на старите и новите технолошки компании. По успехот на „Гугл“ минатата недела се зголемија надежите дека секторот ќе даде импулс за понатамошен раст на берзата“, изјавил директорот на инвестицискиот оддел на брокерската компанија „Interactive Investor“ Ребека О`Каиф, цитирана од агенциите.

Чистата добивка на технолошкиот гигант „Мајкрософт“ за финансиската 2014-2015 година (завршена на 30 јуни) достигна 12,193 милијарди долари, намалувајќи ја 1,8 пати на годишна основа. За четвртиот квартал загубите изнесувале 3,195 милијарди долари против профит од 4,612 милијарди една година порано. Намалувањето на финансиските показатели е поврзано со затворањето на филијали за производство на паметни телефони „Nokia Devices and Services“ и отпуштање на вработените, што ја чинеше компанијата 7,5 милијарди долари.

Загубите на американската интернет компанија „Yahoo!“ за првото полугодие на 2015 година достигнаа 356 илјади долари против профит од 581,285 милиони долари една година порано. Слабите финансиски резултати на „Yahoo!“ се поврзани со трошоците за стекнување на сообраќај - тие се зголемија до 200,2 милиони долари на 43,8 милиони долари една година порано.

Продажбата на американската корпорација „Епл“ за 9-те месеци (завршиле на 27 јуни) изнесувале 182,214 милијарди долари, зголемување за 29,5%. На крајот на третиот квартал тие се покажаа на нивото од 49,605 милијарди долари, пораст со 32,5% на годишна основа. Но акциите на компанијата тргнаа надолу по објавувањето на извештајот, бидејќи аналитичарите очекуваа поголема продажба.