Кинескиот лидер Кси Џинпинг обезбеди историски трет мандат како претседател по одобрението од парламентот.

Така тој ја „консолидираше“ моќта и стана најдоминантниот кинески лидер во поновата историја.

Во кинескиот политички систем, функцијата на претседателот е главно церемонијална по природа.

Кси ја црпи вистинската моќ од позицијата генерален секретар на Комунистичката партија и претседател на Централната воена комисија (ЦВК).

Неговата позиција во партијата беше потврдена на партискиот конгрес во октомври минатата година.

Именувањето на нов премиер и бројни министри во наредните денови се смета за многу поинтересно прашање

Се очекува овие позиции да ги пополнат политичарите лојални на Кси, а меѓу нив е и Ли Кианг, кој треба да стане втор човек на државата и партијата.

Во петокот Кси доби нов мандат на чело на Централната воена комисија на Народна Република Кина.

Во оваа држава има две такви комисии - едната е партиско, а другата е државна институција, но обично во неа се исти луѓе.

Кси ја консолидираше моќта во Кина, откако претходно ја напушти ригорозната политика за нулта ковид, што доведе до антивладини протести.

Земјата, исто така, се соочува со опаѓање на стапката на наталитет, што ги загрозува прогнозите за економски раст, велат властите.

Односите меѓу Пекинг и Вашингтон остануваат жестоки, а тензиите дополнително се зголемија минатиот месец кога Америка ја обвини Кина дека испраќа шпионски балони над нејзина територија.

„Во овој момент не може да се предвиди дали зајакнатата позиција на Кси и поголемата централизација на системот ќе бидат доволни за надминување на проблемите или дали тие ќе се зголемат“, изјави за Би-Би-Си Иан Чонг, политиколог од Националниот универзитет во Сингапур.

„На некој начин, со овие потези, Кси покажува дека верува дека ова е решение за различните проблеми со кои се соочува“, додаде Чонг.

Населението на Кина се намали за прв пат по 60 години

Таканаречените Две сесии на Националниот народен конгрес и Кинеската народна политичка консултативна конференција (CPPCC) оваа недела внимателно се следат додека даваат увид во насоката на Кина во наредните години.

Од Мао Це Тунг, лидерите во Кина се ограничени на два мандати.

Кога Кси го смени ова ограничување во 2018 година, тоа го направи политичка фигура што не е видена уште од Мао.

Исто така во петокот, Хан Женг, 68-годишен поранешен член на Постојаниот комитет на Политбирото, беше именуван за потпретседател.

Важноста на позицијата варира бидејќи одговорностите на потпретседателот не се целосно дефинирани. Сепак, последниот потпретседател, Ванг Кишан, ја водеше антикорупциската кампања на Кси, се сеќава политикологот Чонг.

Многу е веројатно дека Хан внимателно ќе ги следи упатствата на Кси и ќе ги спроведе политиките на претседателот, додаде тој.

Фото: EPA-EFE/MARK R. CRISTINO / POOL