Мундијалот заврши, но нема крај на прераскажувањето на финалниот натпревар помеѓу Аргентина и Франција. Барем не се уште...

Неблагодарно е да се зборува за тоа кој бил фаворит. Франција ја бранеше титулата шампион, додека Аргентина предводена од Меси иташе кон историјата.

Во првото полувреме од последниот натпревар „гаучосите“ водеа со 2:0 што навестуваше дека триколорите се невидливи. Пресвртот дојде во вторите 45 минути кога младиот Килијан Мбапе постигна два гола за израмнување, а потоа и третиот - во продолженијата.

Иако избраниците на Диди Дешамп не блеснаа, нешто се случи и Французите се „разбудија“.

На социјалните мрежи се појави снимка од соблекувалната на Франција на која се гледа говорот на Мбапе на полувремето.

Дури и селекторот беше тивок, додека францускиот „шраф“ зборуваше со повишен тон.

- Тоа е играта на животот, се игра на секои четири години! Не можеме полошо од тоа што го направивме. Можеме да се вратиме, го охрабри Мбапе остатокот од тимот кој мирно седеше и ги слушаше неговите зборови.

Водеото на овој линк

Фото: EPA-ЕFE/CHRISTOPHE PETIT TESSON