Терористичката група "Исламска држава" (ИД) добива 40-50 милиони долари месечно од нафта од заробените територии во Сирија и Ирак.

Ова го соопшти иранската новинска агенција Tasnim, цитирана од агенциите. На околу 50 милиони долари месечно се проценува нелегалната трговија со нафта, на тој начин џихадистите ги ограбија земјите.

Токму нафтата стана главен и постојан извор на приходи за екстремистите, кои им овозможуваат да ја задржат власта во својот самопрогласen калифат.

Приходите од продажбата великодушно ја охрабруваат лојалноста на некои нивни приврзаници, а исто така се вложуваат и во потребната индустриска инфраструктура за терористите . Средствата од нелегалниот извоз на нафта стигнуваат дури и за потребна опрема на групата и привлекување на професионалци од странство.

Според различни проценки, Исламска држава продава еден барел нафта на цени од 10 до 35 долари, а просечна цена во светот во моментов е под 50 долари.

Според пресметките на ирачкото разузнавање, ИД екстрахира околу 30 000 барели нафта на ден. Од нив во Ирак - 10-20 илјади барели кои се добиваат главно во двете области во провинцијата Ниневија.

Остатокот се набавени од Сирија, каде под контрола на терористите се повеќе од 250 бунари, од кои 161 се во функција. Претседателот на парламентот во Иран, Али Лариџани, објави докази дека општата состојба на Исламската држава веќе се проценува на 30 милијарди долари.