Ако „Исламска држава“ почне да губи на Блискиот Исток тоа ќе доведе до пренасочување кон напади врз цивили.

Ова го изјави во интервју за чешката телевизија американскиот новинар, Симор Харш.

Според американскиот новинар Европа треба да учи од Британците кои успеаја да се справат со нападите од страна на Ирската републиканска армија. Во Сирија веќе нема умерена опозиција, додаде тој. Според неговото мислење џихадистите се стремат кон наметнување на шеријатот. Колку ќе добијат контрола врз Сирија тоа ќе има големо значење за нив.

Турција игра двојна игра, оценува Харш, предупредувајќи за последиците од руско-турските односи. Тој потсети дека Москва на неколку пати изнесе докази кои укажуваат на трговијата со нафта меѓу Турција и екстремистите од ИД. Што се однесува до неуспешниот обид за државен удар во Турција, Харш ги отфрла тврдењата дека Западот ги поддржувал пучистите.