Борците на терористичката група „Исламска држава“ ја презедоа одговорноста за терористичкиот напад во Калифорнија, во кој загинаа 14 лица, пренесоа агенциите.

Како што веќе беше соопштено 28-годишниот Саид Фарук и 27-годишната Тешфин Малик нападнаа во средата центар за лица со специјални потреби во градот Сан Бернардино. Тие упаднале во локалот и отвориле оган од автоматско оружје. Загинаа 14 лица а беа повредени 21 .

Двајцата напаѓачи беа убиени. Засега не се познати причините поради кои го извршиле нападот.

Заменик-началникот на одделот на „ФБИ“ на САД во Лос Анџелес, Дејвид Боудич веќе изјавил дека бирото ја оценува трагедијата во Сан Бернардино како терористички акт.