Терористичката група „Исламска држава“ ги потврди податоците за смртта на Мохамед Емвази, кој го имаше прекар Џихадот Џон , пренесе Ројтерс.

Во ноември 2015 Би-Би-Си соопшти дека во Сирија, во реонот на градот Рака со „голема веројатност“ со удар на воздухопловните сили на САД бил убиен Емвази, кој учествувал во убиството на заложници.

Како што соопшти британскиот премиер Дејвид Камерон, операцијата за уништување на Емвази била спроведена со заеднички напори на САД и Велика Британија.

„Ние работевме заедно со САД, за да го најдеме. Тоа беа заеднички напори“, изјави тој. Видео снимка со егзекуциите кои ги вршеше Џихадот Џон , беше пуштени од ИД во август 2014 година.

Тајни служби веруваат дека успеале да го идентификуваат по британскиот акцент и некои други знаци како Мохамед Емвази. Според нивни податоци тој се родил во Кувајт, но израснал во обезбедени семејство во Лондон и учел таму за програмер.

Подоцна Емвази се повлекол по радикалните исламистички идеи и во 2012 година заминал за Сирија и се приклучил кон ИД. Како што забележува The Washington Post, тој се карактеризира како еден од најсуровите терористи земале учество во тероризмот, тортура и убиства на заложници.