Голем револт меѓу читателите и јавноста, како и неверување дека Селин Дион не е вклучена на листата на 200 најдобри пејачки на сите времиња на Ролинг Стоун.

Листата е објавена токму на Нова Година, а на списокот се најдоа голем број ѕвезди, почнувајќи од Арета Френклин до Розалија и други уметници познати по извонредното пеење, пишува Си-Ен-Ен.

Но, голем број граѓани на социјалните мрежи ја осудуваат лисатата, а дел од нив го поврзуваат пропустот Селин Дион да се најде на оваа листа со потонувањето на Титаник. Отсуството на Дион од списокот според многумина е кардинална грешка.

Near, far, wherever you are, there’s anger over Celine Dion not being included on Rolling Stone’s list of the 200 greatest singers of all time. https://t.co/5eqSHtXIho

— CNN (@CNN) January 3, 2023

„Со почит, не вклучувањето на Селин Дион, веројатно најдобриот вокален техничар на сите времиња, во оваа листа е гранично предавство“, твитна продуцентот, промотер и изведувач на снимање Џејми Ламберт.

Имаше и поплаки дека другите, вклучувајќи ги Дион Ворвик, Дијана Рос и Стинг, не беа вклучени.

„Пред да почнете да лизгате (и да коментирате), имајте на ум дека ова е листата на најголеми пејачи, а не листата на најголеми гласови“, се вели во воведот. „Талентот е импресивен; Генијалноста е трансцендентална“.

Дион неодамна објави дека одложува неколку датуми на турнеи во Европа, откако и беше дијагностицирано невролошко пореметување кое не и дозволува „да пее онака како што е навикната“.

Состојбата што таа ја има, синдром на вкочането лице, е „редок, прогресивен синдром кој влијае на нервниот систем, особено на мозокот и 'рбетниот мозок“, според Националниот институт за невролошки нарушувања и мозочен удар.