Историјата, се вели дека секогаш ја пишуваат победниците. На тој начин ние имаме информации што се случувало кога ние не сме биле тука, како живееле нашите предци, за што се бореле и со кого војувале.

Но, каква би била историјата ако е испишана од губитниците? Би изгледала како историјата што во моментов ја пишува Исламската држава.

Низ историјата муслиманите имале голема улога. Освојуваат земји, доминираат во природните науки и ги чуваат едни од најдревните тајни, дури од периодот на стара Грција и стар Рим.

Но, сепак, победата не е во центарот на историјата на ИСИС. Тие во моментов раскажуваат колку ја изгубиле моќта. Членовите на ИСИС се водени од сиот насобран гнев,параноја и ксенофобија, желба за одмазда и за уништување на послабиот. Оваа терористичка група го има вперено прстот точно кон непријателот и точно се знае кој е тој.

Ако погледнеме назад низ историјата, ќе забележеме дека ИСИС води слична политика како германскиот диктатор Адолф Хитлер.

Тие се слични по неговото потпирање и не ретко измислување на историја за ариевската класа, со цел да води цело општество во погрешен правец.

Исламската држава во моментов води интензивна пропаганда на социјалните мрежи, прикажувајќи го „розово” своето секојдневие. На тој начин, џихадистите заведуваат нови приврзаници, покажувајќи им изветоперена слика како луѓето под контрола на ИСИС живеат среќно.

Слично кај Хитлер и ИСИС е нивната идеја и пропаганда за утописко модерно општество, кое всушност е заробено во вечна борба против голем број непријатели.

И во двата случаи утописката визија инспирира, а непријателите помагаат народот да се сплоти.