Иранскиот министер за надворешни работи Хосеин Амирабдолахиан го повика Израел да го запре нападот врз Газа, предупредувајќи дека војната може да се прошири и на другите делови на Блискиот Исток, особено ако во борбата се приклучи милитантната група Хезболах.

Министерот ова го изјави во Бејрут на крајот на турнејата за време на која ги посети Сирија, Ирак и Либан, каде Иран има големо влијание и каде се распоредени десетици илјади борци на Хезболах поддржани од Иран, пренесува агенцијата АП.

Амирабдолахиан им рече на новинарите дека либанската група Хезболах ги разгледала сите воени сценарија и дека Израел треба да ги прекине нападите врз Газа што е можно поскоро.

Iran FM, resistance leaders meet in Beirut

Iranian Foreign Minister Hossein Amirabdollahian has met with some senior Hamas and Islamic Jihad officials in Beirut as he continued his visit to Lebanon.

In the meeting, they discussed the latest developments in Palestine.

The… pic.twitter.com/0iO3bvtW5X

— Iran Foreign Ministry (@IRIMFA_EN) October 13, 2023

Израел го смета Хезболах за најсериозна непосредна закана, проценувајќи дека има околу 150.000 ракети и проектили, вклучително и прецизно наведувани ракети кои можат да погодат која било цел во Израел.

Силите на Хезболах беа во целосна готовност долж границата на Либан со Израел по нападот на палестинската милитантна група Хамас минатата сабота во кој загинаа стотици израелски цивили и војници.

Можноста за отворање нов фронт кон Либан буди сеќавања на повеќемесечната војна меѓу Хезболах и Израел во 2006 година, која заврши со ќор-сокак и тензично примирје меѓу двете страни.

Фото: Принтскрин/Твитер