Иран прогласи историска победа. 

Врховниот национален совет за безбедност на Иран денеска прогласи „историска победа“ над САД и Израел по 40 дена војна.

Тие соопштија дека Вашингтон бил принуден да го прифати иранскиот предлог од 10 точки, кој вклучува прекин на војната на сите фронтови, вклучително и во Либан.

Останатите точки, како што се наведува, се однесуваат на продолжување на иранската контрола врз Ормутскиот теснец, прифаќање на збогатувањето на ураниум, укинување на сите примарни санкции, укинување на сите секундарни санкции, укинување на сите резолуции на Советот за безбедност на ОН, укинување на сите резолуции на Одборот на гувернери, исплата на отштета на Иран и повлекување на американските борбени сили од регионот, пренесува Нур њуз.

Врховниот безбедносен орган на Иран ги опиша изминатите 40 дена како една од „најтешките комбинирани битки во историјата“, во која Иран и неговите сојузници во Либан, Ирак, Јемен и „окупираната Палестина“ им нанеле удари кои „светот никогаш нема да ги заборави“.

Додаваат дека САД уште по 10 дена од почетокот на војната сфатиле дека не можат да победат. 

Функционер од Белата куќа изјави дека планот за прекин на огнот од 10 точки објавен од Иран не е истиот пакет услови што ги прифатиле САД за паузирање на војната.

foto Wikipedia/Ninara