Наместо хаос, разум, барем засега. Од што се плашеше целиот свет, по зборовите на претседателот на Украина, Володимир Зеленски, кој на јавноста и откри дека ноќта на 16 февруари во три часот по локално време руските сили ќе извршат напад на територијата на Украина, не се случи. Сепак, ситуацијата останува критична.

Ноќта зад нас помина во апели на светските претставници да надвладее политиката на мир, а претседателот на Русија, Владимир Путин, да се откаже од нападите на украинска територија. Првиот што говореше беше американскиот претседател Џо Бајден. Имено, тој предупреди дека инвазијата од Русија е „многу можна“, но сепак е опција дипломатско решение. Тој исто така предупреди дека и покрај информациите од Русија дека дел од нејзините војници се враќаат во своите матични бази, анализите од САД не го потврдија тоа и дека руските војници остануваат во заканувачка позиција.

„До граѓаните на Русија: вие не сте наши непријатели“

Американскиот претседател Џо Бајден изјави во вторникот вечерта дека рускиот напад врз Украина се уште е можен и дека САД допрва треба да ги проверат тврдењата на Москва дека војниците се преместени од украинската граница.

„Подготвени сме решително да одговориме на рускиот напад врз Украина, што останува голема можност“, рече Бајден во изјавата емитувана на националната телевизија.

Тој додаде дека дипломатијата треба да има „секакви шанси за успех“.

„До граѓаните на Русија: вие не сте наши непријатели и не верувам дека сакате крвава, деструктивна војна против Украина“, рече Бајден.

Американскиот претседател додаде дека САД и нивните сојузници во НАТО се подготвени на се што ќе се случи и дека Русија ќе плати висока економска цена доколку Москва започне инвазија.

Во својот говор Бајден рече дека ќе го „собере светот“ за да се спротивстави на руската воена акција, но јасно стави до знаење дека одговорот ќе биде првенствено економски, велејќи: „Нема да испраќам американски војници да се борат во Украина“.

Но, тој јасно стави до знаење дека секој напад на територијата на НАТО или оштетување на Американците ќе бидат третирани поинаку.

- Не бараме директна конфронтација со Русија, иако бев јасен дека ако Русија ги насочи Американците и Украина, ние силно ќе одговориме. „Доколку Русија ги нападне САД или нашите сојузници со асиметрични средства, како што се сајбер-напади врз нашите компании или критичната инфраструктура, ние сме подготвени да одговориме“, рече тој.

Според него, на границите на Русија и Украина се уште има околу 150.000 руски војници.

Фото: принтскрин Јутјуб видео