Холандската осигурителна и банкарска групација ING објави дека  ја финализирала продажбата на своите единици за животно осигурување во Хонг Конг, Макао и Тајланд на Pacific Century Group (PCG). Од зделката е генериран нето профит од околу 950 милиони евра за компанијата, кои ќе се одразат во резултатите на ING за првиот квартал. На 19 октомври 2012 година ING доби понуда во износ од 2,14 милијарди долари за делот за осигурување на живот, осигурителните и пензиските сектори и делот а финансиско планирање во Хонг Конг и Макао, како и за делот за осигурување на живот на својата компанија во Тајланд. ING е во процес на продажба и на останатите осигурителни единици во Азија.