ИНЦИДЕНТ ВО ПАРИЗ: Маж се закануваше дека ќе се разнесе во иранскиот конзулат
Маж се закануваше дека ќе се разнесе со експлозив во иранскиот конзулат во францускиот главен град Париз.
Француската полиција го уапси мажот кој се заканувал дека ќе се разнесе во иранскиот конзулат во Париз, но по претресот е откриено дека не носи никаков експлозив. Извор од полицијата рече дека тоа е истиот човек кој бил осомничен за обид за подметнување пожар во близина на иранскиот конзулат во инцидентот во септември лани.
Весникот „Паризиен“ на својата веб-страница објави дека, според неколку сведоци, човекот влечел знамиња на подот на конзулатот и рекол дека сака да се одмазди за смртта на неговиот брат.
Француската полиција го опколи иранскиот конзулат во Париз по извештаите дека маж кој влегол внатре се заканувал дека ќе се разнесе. Полициски извор изјави за Ројтерс дека мажот бил виден околу 11 часот како влегува во конзулатот, носејќи нешто што изгледало како граната и елек со експлозив.
Не е јасно дали инцидентот има некаква врска со ескалацијата на тензиите меѓу Иран и Израел. Претходно денеска, експлозии одекнаа над иранскиот град Исфахан за кој разни извори рекоа дека е израелски напад.
foto Figaro
Слично
Поврзани вести
