Мајмунските сипаници ќе добијат ново име кое нема да биде дискриминирачко. 

Светската здравствена организација (СЗО) најави дека ќе ги преименува мајмунските сипаници за да ја избегне дискриминацијата и стигматизацијата затоа што вирусот продолжува да се шири меѓу луѓето на глобално ниво, јавува „Гардијан“.

Д-р Тедрос Адханом, директорот на СЗО рече дека организацијата работи со партнери и експерти од светот за промена на името на вирусот „мајмунски“ сипаници. 

„Овој потег доаѓа откако научниците повикаа на ‘итна’ промена на името што го опишуваат како ‘несоодветно’, ‘дискриминациско’ и ‘стигамтизирачко’ во извештајот минатата недела. Новото име ќе биде објавено што е можно поскоро“, изјави Тедрос.

Овогодинешната епидемија е поттикната од „западноафриканскиот“ тип на мајмунски сипаници, што е значително помалку опасен од другиот тип, „конгонски басен“ („централноафрикански“). Сепак, одлуката на СЗО се однесува и на двата типа.