Велика Британија ќе признае држава Палестина во септември ако Израел не се согласи на прекин на огнот. 

Премиерот на Велика Британија, Кир Стармер, изјави дека ќе ја признае државата Палестина во септември доколку Израел не се согласи на прекин на огнот и не се движи кон мир.

Стармер ги повика денеска своите министри на состанок за да разговараат за план за траен мир во Газа, што би можело да доведе до признавање.

Стармер разговараше за Газа со францускиот претседател Емануел Макрон и германскиот канцелар Фридрих Мерц во саботата, а вчера му ги пренесе на американскиот претседател Доналд Трамп на состанок во Шкотска плановите на кои работи со европски претставници за воспоставување траен мир на територијата, соопшти Даунинг стрит.

Најавата дека ќе ја признае палестинската државност беше објавена претходно од Макрон.

Франција веќе најави дека ќе ја признае Палестина. 

Инаку, и Словенија повика на признавање на Палестина. 

foto EPA/TOLGA AKMEN / POOL