Невработеноста во Австрија во август продолжила да паѓа, и минатитот месец вкупно 374 792 лица биле без работа.

Тоа, како што наведуваат тамошните служби споредбено со лани истиот месец, е намалување за 3,6 отсто.

Истовремено, Сервисот за вработување имал пријавено 61.868 отворени работни места, што е раст од 43,5 отсто.

Невработеноста кај младите јасно паднала додека кај постарите од 50 години благо пораснала.

Како кај домашната работна сила (-5,7 отсто), така е и кај странците (-5,1) дошло до намалување на бројот на невработени.

Стапката на невработеност, спрема националната дефиниција, кон крајот на август изнесувала 7,7 отсто.

„Позитивниот развој кај младите покажува дека нашите иницијативи во оваа област делуваат. На новото задолжително школување до 18 години, обезбедивме сите млади да имаат образование кое оди преку нивото на основно школување. Тоа масивно ќе ги зголеми шансите на пазарот на труд“, уверува министерот за труд Алојз Штегер.

Тој укажал дека се работи и на намалување на невработеноста кај постари од 50 години, и дека е јасна целта оти бројот на долговрочно невработени припадници на оваа генерација ќе се намали за 50 отсто.