Нанаја Махута ќе стане министер за надворешни работи на Нов Зеланд, првата жена што ја презеде оваа функција.

Таа е припадник на Маорската заедница и има традиционална маорска тетоважа на лицето. 

Џесинда Ардерн, премиерката на Нов Зеланд, го претстави својот нов кабинет, и за него рече дека промовира различности. Жените и маорската заедница се силно застапени во 20-члениот кабинет, па затоа новата министерка за надворешни работи ќе биде Нанаја Махута.

Премиерката Џесинда Ардерн ја промовираше Махута, која помина повеќе од две децении во Парламентот, на оваа нова функција, кога го објави новиот кабинет на Владата на трудот.

Махута во моментов има министерски позиции во локалната самоуправа, развој на Маори здружението, и портфолио во трговијата. Таа ќе ја задржи работата во локалната самоуправа и ќе има соработничка улога во развојот на Маори здружението.

Махута беше неочекуван избор за позицијата, која стана испразнета откако првиот лидер на НZ и сегашен министер за надворешни работи Винстон Питерс загуби на изборите во 2020 година. Многумина очекуваа високите министри Ендру Литл или Дејвид Паркер да ја преземат улогата.

Ардерн рече дека Махута ќе биде првата жена што ќе ја преземе улогата министер за надворешни работи, а која ја покажала и својата способност да гради односи кога се работи на здружена трговска позиција.

Инаку, Ардерн, чија партија убедливо победи на неодамнешните парламентарни избори, кажа дека новата, изменета влада ќе се фокусира на одговорот на пандемијата на ковид-19 и на економската обнова. „Ова е кабинет кој има големи вредности и талент, но исто така е неверојатно разновиден. Овој тим го одразува Нов Зеланд од кој беше избран“, кажа Ардерн. Таа за вицепремиер го назначи Грант Робертсон, но појасни дека тоа се должи на неговите лидерски способности, а не на сексуалната определба, бидејќи тој јавно се декларира дека е хомосексуалец.