Постојат седум места во светот каде автомобилите се забранети. 

Во градот Ламу на истоимениот остров во Кенија, наместо автомобили, ќе ве пречекаат магариња. Патиштата, односно пешачките патеки се тесни и кривулести, што го прави речиси невозможно движењето со автомобил.

Чивита ди Бањореџио е село во Италија  каде нема автомобили, но уште поинтересен е фактот дека единствениот излез или влез во него е пешачки мост. Местото е на врв на рид со поглед на огромен кањон, изгледа навистина фасцинантно.

Халибут Коув од Алјаска има околу 90 постојани жители. Има и уникатна пловечка американска пошта, но и таму автомобилите се забранети. 

Селото Гитхорн во Холандија  е исполнето со пешачки и велосипедски патеки, како и водни патишта. Всушност, најпопуларниот начин за посетителите да ги видат градските куќи стари со векови е да ги истражуваат каналите со брод.

Цермат, град на швајцарските Алпи сè уште сериозно ја сфаќа својата политика без автомобили. Сите кои сакаат да останат во подножјето на Матерхорн - познат по скијање, планинарење и качување - мора да патуваат со воз, хеликоптер или такси.

Близу грчката престолнина Атина е лоциран островот Хидра. Штом ќе се симнете од таксито на вода, ќе ви биде тешко да најдете автомобил или дури и велосипед на островот.

Островот Сиес во Шпанија е достапен само со брод, нема хотели и дозволува само 1.800 посетители (плус 600 кампери) дневно.