Има повеќе смртни случаи отколку минатата година, констатира Светската здравствена организација (СЗО). 

Директорот на Светската здравствена организација (СЗО), Тедрос Гебрејезус, вели дека ситуацијата во Индија е многу загрижувачка.  Владата во Њу Делхи побара армијата да управува со објектите за грижа и борба против коронавирусот. Во Индија, бројот на лица заразени со Ковид-19 расте. Експертите велат дека бројот на заразени и починати е веројатно многу поголем, но дека голем број луѓе немаат можност да бидат тестирани или примени во болница, а многу пациенти умираат дома. Иако е најголем производител на вакцини во светски рамки, земјата се соочува со голем недостиг на вакцини.