Ана Роко ди Паоло која има 101 година, поради земјотресот во Италија за прв пат мораше да го напушти планинското село каде живее. 

Таа е сместена во хотел на Јадранот на 80 км од нејзиното село Пиеве Торина. 

Селото има 1.500 жители и таму е забрането луѓето да се вратат по потресите кои деновиве ја погодија Италија. 

Оваа старица во количка и потполно глува со негувателката од Молдавија мораше да го напушти селото, при што весникот Кориер де ла сера пишува дека земјотресот ќе го обележи нејзиниот живот. 

Таа е родена во февруари 1915 година, кога имаше земјотрес од 7 степени во кој загинаа над 30.000 луѓе. 

Нејзините родители биле во колиба поради страв од земјотрес  и таму таа се родила. 

Поради земјотресот евакуирана е уште една жена на возраст од 102 години.