Анимираната комедија за возрасни „The South Park“ емитуваше епизода во која се исмеваат со Меган Маркл и нејзиниот сопруг, принцот Хари, пренесува британскиот таблоид Сан.

Во последната епизода, насловена „The Worldwide Privacy Tour“, неименуваниот црвенокос принц и неговата сопруга тргнуваат на турнеја за да ја промовираат книгата наречена „Waaaagh“.

Тие, исто така, беа прикажани како гостуваат во канадско ток-шоу, со натписи барајќи приватност, пред да му признаат на водителот дека се воодушевени што се на телевизија.

After 26 years South Park strikes Gold yet again, I’m so glad they’re back to current world events lmao even though this is kinda old. https://t.co/rtlMNInq0r

— Anthony Platas (@Platas_24) February 18, 2023

Меган вели дека книгата била нејзина идеја бидејќи кралското семејство е „глупаво“ како и печатот.

Епизодата завршува со парот што излегува од сетот, велејќи дека ќе најдат некаде мирно да живеат како нормални луѓе, пред да се качат на приватен авион.

Според таблоидот, на гледачите им се допаднала епизодата и ја опишале како „брутална“, додека еден корисник на Твитер напишал дека епизодата со Меган и Хари била „чисто злато“.