Светски познатата госпел пејачка и екс-пратеничка во бразилскиот конгрес Флорделис е осудена на 50 години затвор за убиството на нејзиниот сопруг, свештеникот Андерсон до Карма, со што стави крај на едно од најскандалозните и најследените злосторства во модерната историја на земјата.

Бразилскиот суд изрече и строги казни за нејзините деца кои помогнале да биде извршено ѕверското убиство. Вкупно се осудени 11 лица, нивната биолошка ќерка Симоне и биолошкиот син Флавио, кои пукале и го убиле татко им, добија по 30 години затвор, додека нивниот посвоен син,  Лукас Цезар, кој всушност го купил оружјето добиседум години.

Убиството се случило во јуни 2019 година пред гаражата на семејната куќа, аспоред полицискиот извештај, пронајдени се 30 дупки од куршуми најмногу во пределот на препоните, како и вово градите и еден во главата.

Судот истакна дека казната што ја добила Флорделис дос Сантос де Соуза одразува „омраза, ладнокрвност и непочитување на човечкиот живот“.

Пејачката со Андерсон имаше 55 деца, некои посвоени, некои биолошки, а нејзиниот живот е пример колку судбината може да биде чудна и измамничка, а колку може да се вклопи за неколку децении. Посетите на свингерските клубови и повеќекратните обиди за труење поради семејните финансии се само дел од незгодните случувања во животот на оваа жена.