Телото на наводниот организатор на нападите во Париз од минатата недела Абделхамид Абаауд било идентификувано меѓу остатоците на убиените при вчерашната полициска акција во француската престолнина, соопштија светските медиуми.

„Абделхамид Абаауд штотуку беше официјално идентификуван како убиен за време на акцијата во северното предградие на Париз во средата“, објавија во соопштението од обвинителството во Франција.

Потсетуваме дека при спроведената антитерористичка полициска акција вчера во париското предградие Сен Дени доведе до убиството на наводниот организатор на нападите во Париз од петокот, 13 ноември - Абделхамид Абаауд.

Тоа го пренесе Washington Post (WP), повикувајќи се на двајца високи функционери на разузнавањето.

Од вчера истражните органи се на патеката на бегалецот, кој се смета дека се криел во северниот дел на француската престолнина.

Вчера обвинителот на Париз Франсоа Молете не ги потврди информациите во медиумите за смртта на организаторот на серијата атентати во француската престолнина Абделхамид Абауд. Според него загинале две лица. Тогаш сепак нивните тела се уште не беа препознаени.

Во станот во париското предградие Сен Дени, во кој упаднаа француските специјални единици за борба со тероризмот, е пронајдено телото на трет наводен терорист, информира и ТАСС, повикувајќи се на француските медиуми. Телото е пронајдено под урнатините, во станот каде жена-самоубиец се разнесе.

Повеќе од 100 полицајци и војници упаднаа вчера во зградата во тек на 7-часовна опсада, изведена во рок од која загинаа двајца терористи, од кои едниот е жена.

Абделхамид Абаауд беше наречен „мозокот на нападите од 13-ти ноември“. Премногу брзо, силно и легендарно, ги сметаат сепак француските експерти џихадистичките мрежи. Абделхамид Абауд дејствувал повеќе како организатор и технички раководител на првите самоубиствени напади на територијата на Франција.

Тој дал команда по телефон за почеток на нападите во петокот спроти сабота. Абаауд ги користел и контактите со криминалниот свет, за да достави оружје. Тој командувал и екипите од бомбаши. Вистинските организатори засега остануваат во сенка.

Абаауд е роден е во 1987 година во бриселскиот кварт Моленбек. „Беше мал будала и крадец на паричници“, се сеќаваат неговите соученици и наставници. Денес „малиот будала“ е сметан за главен виновник за атентатите во Париз, во кои загинаа 129 лица.

Моленбек, Областа во Брисел, е поврзана и со минатото на другиот клучен осомничен за нападите во француската престолнина - Салах Абделслам. Тој и неговиот брат Брахим, кој се разнесе во источниот дел на Париз, се познавале со Абауд. И тројцата имаат полициски досиеја.