Џихадистите на Исламската држава погубиле осум лица, од кои четворица се полициски службеници, во ирачката провинција Салахедин, а фотографиите од гнасниот чин ги поставиле на интернет. Седуммина од жртвите на себе имале портокалови одела слични на оние кои ги носеа новинарите и хуманитарните работници кои беа погубени од страна на екстремистите на ИД, пренесува агенцијата „АП“. Еден од жртвите во ова последно погубување не го исполнил ветувањето и престанал да соработува со ирачката влада, се вели во пораката прикачена под сликата која е поставена на интернет. Исламската држава зазеде огромни територии од Ирак и Сирија каде прогласи калифат. Во двете држави џихадистите погубиле илјадници лица, а голем дел од погубувањата биле снимени и потоа поставени на интернет.