Силувања, киднапирања, убиства - борците на „Исламска држава“ се безмилосни и брутални. И не ги штедат дури ни жените. За да се заштитат од нивните напади, се повеќе курдски жени пустошат со оружје.

Името на терористичката организација „Исламска држава“ засекогаш ќе биде поврзана со убиствата на жени, со силувања и киднапирања на девојчиња, кои подоцна паѓаат на пазарите за робови, каде се продаваат како животни. Овие зборови се на Хузан Махмуд, портпаролка на Организацијата за слобода на жените во Ирак.

„Тие влегуваат во домовите на семејствата со девојки ги грабнуваат и децата. Потоа ги мажат насила за џихадисти. Тоа го нарекуваат „склучен брак“, но во реалноста станува збор за сексуално малтретирање на деца“, раскажува Хузан Махмуд.

Во интервју за германската државна телевизија „АРД“ активистка објаснува дека сексуалното насилство игра централна улога во пропагандата на исламистите. „Исламска држава“ им ветува на борците по 72 девици на небото и „сексуален џихад“ на Земјата. Во чист текст, тоа значи дека на секој борец му се нудат жени кои ќе ги задоволат неговите сексуални фантазии.

На сличен начин ги опишува работите и Хале Ешфандиара, раководителка на Одделот за Блискиот Исток во вашингтонскиот центар „Вилсон“. На крајот на август Американката од иранско потекло привлече внимание со објавување на страниците на „Волстрит журнал“. Во својата статија, таа ги опишува злосторствата извршени од џихадистите, и ги критикува западните медиуми дека не обрнуваат доволно внимание на бруталните напади врз жени.

Борците на „Исламска држава“ не се луѓе, туку варвари, тврди Ешфандиара и вели дека светот едноставно не може да замисли што доживуваат жените кои имале несреќа да се сретнат лице в лице со џихадист.

При тоа за овие злосторства постојат безброј докази наведува Ешфандиара. Еве само еден пример: киднапирана во Сирија жена била вратена на нејзиниот сопруг за откуп од 30 илјади долари - огромна сума за тамошните стандарди. По нејзиното ослободување жената раскажала дека била силувана стотици пати. „Повторувам: стотици пати! И е излишно да се појасни дека сега жената е бремена“, вели Ешфандиара.

Како реакција на сексуалните престапи, извршени од борците на „Исламска држава“, се повеќе жени од регионот на Северен Ирак кои се заробени во воените тренинзи на курдските сили Пешмерга. Според различни извори, само во северен Ирак киднапираните жени и деца од малцинската група на Јазид се неколку илјади.

Во кампот крај ирачкиот град Сулејман, на околу 180 километри јужно од Ербил, млади жени ја изучуваат „уметноста“ на војната - им укажуваат како се демонтира оружје, како се постапува со рачни гранати, итн. Фаиза Факих е командант на еден таков одред: „Нападите против жени во северен Ирак го променија целосно животот на тамошните луѓе. Сега многу од нив доаѓаат кај нас, за да научат како да се бранат“, изјавила Факих.

Откако ќе ги завршат нивните студии, повеќето жени-борци одат на фронт, кој во моментов поминува југозападно од Ербил, вели одговорничката за обуките полковник Нахида Рашид: „Нашите жени не се плашат од „Исламска држава“. Тие се борци на курдските сили Пешмерга, обучени се да се борат со секакво оружје и се цврсто решени да се фрлат во битката против џихадистите“, вели Рашид.