Рускиот министер за одбрана Сергеј Шојгу дојде во Минск заедно со рускиот претседател Путин и сите го забележаа неговото чудно одење.

Шојгу колабирал додека шетал низ мермерните ходници на палатата во Минск, Белорусија, пишува Дејли Мејл и потсетува дека Кремљ пред неколку месеци негираше дека Шојгу имал срцев удар. Министерот Шојгу, официјално задолжен за инвазијата на Украина, ја држел десната рака во џеб, а официјално објаснување за неговото необично држење немало.

Shoigu arrived in Minsk limping and hiding his right hand.

«Slightly wounded»? pic.twitter.com/4dbiRgdkYk

— Anton Gerashchenko (@Gerashchenko_en) December 19, 2022

Шојгу му се придружи на Путин на неговата прва посета на Минск по три години, каде што се состана со својот сојузник, белорускиот претседател Александар Лукашенко. Рускиот претседател, за чие здравје исто така се шпекулира, се сопнал при излегувањето од авионот, по што бил пречекан со традиционален леб со сол и цвеќиња.

Со Путин биле и членови на неговото обезбедување, а наводно на сите патувања го придружува и онколог. Министерот за одбрана пристигна во Минск со Путин, поради што се шпекулираше дека Белорусија наскоро повеќе ќе се вклучи во војната во Украина. Официјално, причината за посетата е зајакнување на економските врски меѓу Русија и Белорусија. Кремљ со години се обидува да ја продлабочи интеграцијата со Белорусија, која зависи од Москва за евтина нафта и кредити, но Лукашенко досега се спротивставуваше на обединувањето со Русија и покрај тоа што беше клучен сојузник во војната во Украина.