Милијардерот Илон Маск на Х наведе дека имал многу ограничена комуникација со сексуалниот престапник Џефри Епстин и дека одбил повеќекратни покани да го посети неговиот остров или да патува со неговиот авион.

Тој истакна дека е свесен дека дел од преписката може погрешно да биде протолкувана, но оти тоа не го загрижува. Маск додаде дека силно се залагал за објавување на документите за Епстин и нагласи дека е важно кривично да се гонат оние кои сториле тешки кривични дела, особено во случаите на сексуално искористување малолетнички.

„Ниту едно лице не се залагало посилно од мене за објава на документите за Епстин и мило ми е што тоа конечно се случи“, наведе Маск на Х.

Поранешниот словачки министер за надворешни работи, Мирослав Лајчак, соопшти дека по објавувањето на неговите комуникации со осудениот сексуален престапник Џефри Епстин, ја напушта својата позиција како советник на словачкиот премиер Роберт Фицо.

foto printskrin youtube