Украинскиот претседател Володимир Зеленски дојде во Белата куќа облечен во црна јакна што ја носеше на самитот на НАТО во Холандија во јуни – во стил на костум, но не и целосен костум.

„Господине претседателе, одлично ви стои оделото“, рече еден новинар, на што се надоврза претседателот на САД, Доналд Трамп, кој додаде: „И јас му го реков истото“.

Облеката на Зеленски стана големо прашање, откако на претходната средба во Белата куќа, Трамп се налутил зошто украинскиот претседател се појавил во воена облека.

Пред средбата, Белата куќа испрати официјално прашање до украинските претставници за облеката на Володимир Зеленски, поради ставот на Трамп дека светските лидери треба „да изгледаат соодветно“, што за него значи само едно – костум.