Хрватска затвори седум од осум гранични премини со Србија, откако вчера голем бран на бегалци влезе во државата. Откако Унгарија одби да ги прими бегалците само вчера во Хрватска влегле 11 000 бегалци. Премиерот Зоран Милановиќ во интервју за хрватска телевизија рече дека Хрватска нема веќе да ги регистира илјадниците бегалци кои ја минуваат нејзината граница. Тој вели дека Хрватска е мала земја и оти бегалците  се добредојдени, но оваа нација не може да ги прими сите. Тој рече дека ним им биде дадено  храна, вода и медицинска помош, а потоа мора да го продолжат патувањето.