Mерки против шверцерите на луѓе во Средоземното Море ќе се разговараат денеска со министрите за одбрана на земјите од Унијата. Бројот на бегалците, што достигнаа во Европа, е зголемен 6 пати од јуни месецов, соопшти еврокомесарот Јоханес Хаан.

Само за вчерашниот ден во близина на брегот на Либија италијанските власти се спасиле 3000 мигранти.

Приливот не запира и околу влезот на тунелот под Ла Манш. Француските државни железници најавија дека ќе подигнат 13-километарска ограда крај железничката станица во Кале поради мигрантите.

Причината е дека веќе неколку пати барателите на азил ги блокираат шините и го застануваат движењето на возовите. Тие се насочуваат кон новите станици на Кале-Фретон, која се наоѓа на околу 5 километри од морето, токму надвор од контролираната зона на „Евротунел“.