Љубителите на чоколадото и виното можеби не е лошо да се подготват : климатските промени влијаат врз земјоделството, како и врз фауната и флората , па во блиска иднина можеме да станеме сведоци на порастот на цените и исчезнувањето на некои традиционални производи , со кои сме навикнати , соопштува АФП. Вино Во октомври минатата година студија на банката Morgan Stanley покажа дека светското производство на вино се намалува и во 2012 година беше на најниско ниво од 40 години . Причини - кампањата за искоренување на лозја , преземена во Европа , која довела до намалување на површините на Стариот континент со 4% . Во исто време, потрошувачката на вино во земјите во развој се зголемува . Според истражувањето, светската побарувачка на вино ќе се зголеми за 5,3% до 2016 година, што ќе ја направи оваа стока дефицитарна. Чоколадо Цената на чоколадото во наредните години ќе се зголемува на позадината на лошите реколти на какао и растот на побарувачката на овој производ во земјите во развој ( +20 % во 2013 година ) . Се смета дека недостигот на какао во Европа ќе достигне 1 милион тони во 2020 година. Во прилог, климатските промени и се закануваат на оваа култура со изумирање. Риба Риболовот веќе се заканува со исчезнување на неколку видови риба , меѓу кои црвената туна и треската , за која Европската унија веќе воведе квоти . И ако Грците се загрижени за судбината на својата тарама ( разбиен кавијар ) , Норвежаните се загрижени за иднината на чадениот лосос , чија цена меѓу 2012 и 1013 година се зголеми за 70% . Кафе Арабика Сортата кафе Арабика зафаќа околу 60% од светското производство на кафе , но може да исчезне како последица на климатските промени, покажува истражувањето на Британската кралска ботаничка градина . Зголемувањето на просечните температури на земјата со 3.4 ° C , ќе доведе до исчезнување на 90% од површините , кои во моментов се користат за плантажите на културата. Тоа неизбежно ќе доведе до раст на цената на културата. Козјо сирење Во Франција , која е традиционален производител на козјо сирење , производството на млеко е намалено за 12% само во првото полугодие од минатата година. Одгледувањето на кози во Европа суштински е намалено поради ниската профитабилност . А.А.