Поранешниот шпански премиер, Хозе Луис Родригез Запатеро, изјави дека проблемот со еврозоната е што монетарната политика пред кризата била таква што помага Германија , а не земји како Шпанија . Запатеро , кој беше премиер на Шпанија во периодот 2004-2011 година , изјави за CNBC дека олеснувањата на монетарната политика на ЕЦБ помогнала за прегревање на шпанскиот имотен пазар , што доведе до падот во 2008 година. Последниот удар врз шпанскиот банкарски сектор ја натера владата да прифати 41 милијарди евра помошни средства . " Монетарната политика на ниски каматни стапки , проследена со создавањето на еврото до пред кризата , беше дизајнирана за обновувањето на Германија . Каков ефект имаше таа сепак во земји како Шпанија ? Таа создаде огромен раст во кредитирањето , што создаде балони ", вели Сапатеро. Според него, ниските камати на ЕЦБ пред кризата помогнаа за зголемување на побарувачката на германски производи и им овозможија на земјата да натрупа голем вишок на трговскиот биланс . " Германија имаше големо производство и многу малку локално пребарување . Таа не можеше да ги продаде своите производи. Шпанија ги купуваше благодарение на кредитирањето , што Германците го финансираа ", вели Сапатеро. "Тоа беше моделот . Ние се согласивме со него кога беше создадено еврото , а тоа беа условите кои Германија ги наметна ", додава тој . "Според мое мислење еврото мора да престане да биде валута , која се потпира на различни столбови како фискална политика , фискална унија , банкарски унија , финансиски унија и еврообврзници , " вели Сапатеро. " Германија вели " не " на еврообврзниците , но мислам дека она што тие велат , е " не " на еврообврзниците засега . Сапатеро е првиот важен европски политичар кој ја објавува сопствена верзија на кризата во еврозоната.