На југот на Турција, утрово се случи вооружен инцидент во средно стручно училиште во округот Сиверек, кога вооружен маж наводно влегол во училишната зграда и отворил оган со пушка.

Мотивот за пукањето засега не е познат, пренесе ДПА.

Неидентификуван напаѓач рано утрово со пушка влегол во училиштето во областа Сиверек, во провинцијата Шанлиурфа, и почнал да пука по случаен избор, јави новинската агенција „Демирорен“.

Првично осомничениот се криеше во училиштето и одбиваше да се предаде и покрај полициските предупредувања. Медиумите јавуваа дека се правеле напори за негово убедување да им се предаде на властите.

Но, подоцна објавија дека напаѓачот кој е поранешен ученик на училиштето извршил самоубиство.

Властите ја зголемија безбедноста на местото на настанот, а во училиштето се испратени и медицински екипи.

Фото: Принтскрин/Фејсбук