Најмалку 14 лица загинаа утрово, а дел од повредените патници се хоспитализирани кога автобус падна од карпа висока 25 метри во Јакутија на Далечниот Исток на Русија, соопшти прес-службата на Министерството за внатрешни работи на таа руска република.

Во соопштението се наведува дека возачот на автобусот, исто така загинал во несреќата, како и дека во возилото имало 36 лица, објави Интерфакс.

Според локалните медиуми, несреќата се случила на територијата на рудникот на Рударско-преработувачкиот комбинат Денисов (РПК). Според прелиминарните информации, 52-годишниот возач ја изгубил контролата врз возилото.

@Zulu72944051488 Tragic scenes in Russia’s far-east

14 mine workers were killed and 7 injured when a bus taking them from work plummeted off a 20 meter cliff

First responders still picking through the wreckage pic.twitter.com/9jgOpyCFRP

— gatvol (@marisa801747433) July 21, 2025

Во инцидентот во кој загинаа 14 лица, дури 20 патници се здобија со повреди со различна тежина, соопшти прес-службата на регионалното Министерство за здравство. 

Вкупно десет лица беа хоспитализирани. Состојбата на двете жртви се смета за сериозна. Осум пациенти беа примени во болница со умерени повреди. Според Министерството, девет патници имаат разни модринки и гребнатини и ќе бидат лекувани амбулантски.

Фото: Принтскрин/Икс