Хорор во центарот на Модена: Автомобил удрил во луѓе во центарот на градот, седуммина повредени – возачот уапсен
Седум лица се повредени во саботата кога автомобил со голема брзина удрил во пешаци во центарот на северноиталијанскиот град Модена, соопшти полицијата.
Четворица од нив се тешко повредени, јавија италијанските медиуми. Полицијата соопшти дека возачот, маж во триесеттите години, е уапсен и дека нема друга опасност за јавноста.
Напаѓачот го запреле храбри минувачи
Автомобилот удрил во излог на продавница откако претходно налетал на пешаците, а возачот, вооружен со нож, нападнал минувач кој се обидел да го запре.
Минувачот Лука Сињорели, кој го запрел напаѓачот и завршил со раскрвавена глава, за РАИ раскажа што се случило.
- Добив два удари, еден во градите, а друг во главата. Потоа следеше борба - изјави Сињорели.
Falcia in auto una decina di pedoni e accoltella un passante a Modena. Ci sono feriti gravi.
— Tg1 (@Tg1Rai) May 16, 2026
L'uomo sarebbe stato fermato dalle forze dell'ordine u Via Emilia.#Tg1 pic.twitter.com/PYgqAbFw7O
Успеав да избегнам еден удар, а другиот го примив. Потоа му го блокирав зглобот. И тогаш го неутрализирав - додаде тој, наведувајќи дека му помогнале и други минувачи.
Градоначалникот на Модена, Масимо Мецети, им се заблагодари на храбрите минувачи. Откако минувачите го совладале, полицијата го уапсила 31-годишниот маж.
Возачот е италијански државјанин со мароканско потекло
Некои италијански медиуми јавуваат дека станува збор за италијански државјанин со мароканско потекло, без кривично досие, роден во покраината Бергамо, но со живеалиште во покраината Модена.
Според првите извештаи, потврдени со снимки од безбедносни камери, се чини дека дејството било намерно. Мажот кој го управувал автомобилот, доаѓајќи од улицата Ларго Гарибалди, одеднаш скршнал кон тротоарот и забрзал додека влегувал во улицата Виа Емилија Чентро. Потоа удрил во излогот на продавницата „Далари“, притоа удирајќи жена која сега е во опасност да ги изгуби нозете, јавува РАИ.
- Видовме како автомобилот се приближува, се движеше кон работ на тротоарот. Одеднаш забрза. Возеше најмалку 160 километри на час, видовме луѓе како летаат - изјавија очевидци.
Horreur en Italie : des piétons fauchés par une voiture à Modène, 7 blessés dont 2 graves ; l'automobiliste armé d'un couteau maitrisé par des passants.
— Fdesouche.com est une revue de presse (@F_Desouche) May 16, 2026
Le suspect serait un Italien, décrit par des témoins comme d'origine nord-africainehttps://t.co/8oDbsnw4iw pic.twitter.com/bWdx0HkpCY
Фото: Принтскрин/Икс
Слично
Поврзани вести
