Претседателката на Европската Комисија Урсула фон дер Лајен се најде во непријатна ситуација за време на самитот ЕУ-Африка во Брисел.

Камерите забележаа дека на самитот ЕУ-Африка во Брисел, претседателката на Европската Комисија, Урсула фон дер Лајен, била игнорирана од министерот за надворешни работи на Уганда, генералот Јеје Одонго, кој само само ја одмина, а потоа Одонго се ракуваше со претседателот на Европскиот совет Шарл Мишел и францускиот претседател Емануел Макрон. Фон дер Лајен кратко искоментира дека не го разбира однесувањето на министерот.

„Единствено што можам да заклучам е дека тоа се случи затоа што сум жена. Дали ова ќе се случеше ако носев одело и вратоврска“, праша таа.