Откако медиумите почнаа да зборуваат за наводното раскинување на чилеанскиот претседател со хрватско потекло Габријело Бориќ со неговата партнерка Ирина Караманос, набрзо во јавноста протекоа неколку видеа на кои се гледа како претседателот навечер оди во стан каде што запознава мистериозна жена.

Снимката од безбедносните камери е направена во октомври, а идентификуван е и еден од главните телохранители на Бориќ, кој го чекал пред станот.

По објавувањето на видеата, пратеникот Андрес Хуанет испрати писмо до министерката за внатрешни работи и јавна безбедност, Каролина Тоха, барајќи неколку одговори од властите, како на пример колку пати претседателот на Чиле ја посетил локацијата, колку време престојувал и дали се преземени безбедносни мерки.

- Јавно е познато дека претседателот на Чиле во неколку наврати ја посетил младата дама во текот на ноќта, во станбена зграда каде очигледно не биле преземени неопходните безбедносни мерки со оглед на неговото достоинство и положба. Претседателот може да се види како влегува и излегува од наведеното место без придружба внатре во објектот, а вообичаено е претседателот да има постојана придружба. Колку пати претседателот бил на тоа место и колку долго останал внатре? - праша во писмото.

- Дали обезбедувањето на шефот на државата изврши увид во објектот и околината? Дали имало екипа која ги проверувала безбедносните услови околу станот и во него? Во случај претседателот на државата претходно да престојува на тоа место, какви безбедносни мерки биле донесени? - беа некои од другите прашања, објавија локалните медиуми.

Бориќ не го коментираше ова.

Por si se lo perdió, dado que ya bajaron al Pequeño Saltamontes pic.twitter.com/7QRZcvSbe2

— Stomatopodo (@_malacostraceo_) November 15, 2023

(Слободна Далмација)