Поранешната потпретседателка на Соединетите Американски Држави(САД), Камала Харис, остро го осуди нападот врз Венецуела и апсењето на претседателот на земјата, Николас Мадуро.

Харис изјави дека дејствијата на Трамп во Венецуела не ја прават Америка побезбедна, посилна или подостапна.

„Фактот дека Мадуро е брутален, нелегитимен диктатор не го менува фактот дека оваа акција беше и нелегална и неодговорна. Го имаме гледано овој филм и претходно. Војните за промена на режимот или за нафта се претставени како сила, но завршуваат со хаос, додека американските семејства ја плаќаат цената“, изјави таа.

Таа додаде дека американскиот народ е уморен од лагите.

„Ова не е прашање на дрога или демократија. Станува збор за нафта и желбата на Трамп да игра регионален насилник. Ако навистина му беше грижа за која било од овие работи, немаше да помилува осуден шверцер на дрога или да ја маргинализира легитимната опозиција на Венецуела додека се обидува да постигне договор со соработниците на Мадуро. Претседателот ги става војниците во опасност, троши милијарди, го дестабилизира регионот и не нуди никаква законска власт, нема план за излез и нема бенефиции за граѓаните дома“, кажа Харис.

Таа рече дека на САД им се потребни лидери чии приоритети се намалување на трошоците за работничките семејства, спроведување на владеењето на правото, зајакнување на сојузите и, најважно, ставање на американскиот народ на прво место.

foto printskrin youtube