Жариштето на коронавирусот во Индија може да доведе до глобална криза со вакцини. 

Индија е дом и на најголемиот капацитет за производство на вакцини во светот. Индискиот институт серум (СИИ), најголемиот светски производител на вакцини, е во центарот на плановите за Ковакс. Институтот вети дека ќе испорача 200 милиони дози преку Ковакс до јуни, а до денес се исполнети само 40 проценти од нарачката.

Сепак, во Индија помалку од 10 проценти од населението од 1,4 милијарди луѓе се вакцинирани. Податоците на индиската влада покажуваат дека вкупно се испорачани повеќе од 145 милиони дози, а додека дневните стапки на вакцинација се искачиле на повеќе од 3,3 милиони дози. Над 66 милиони дози од пет различни вакцини се испратени во 93 различни земји и агенции на ООН. Најголем примател е неговиот индиски сосед Бангладеш, со 10,7 милиони дози, следен е Мароко со седум милиони.

Светската здравствена организација (СЗО) предупреди дека варијанта на коронавирусот, за која се верува дека предизвика епидемија во Индија, е откриена во 17 држави.

Сепак, научниците веруваат дека вакцините ќе бидат ефикасни и против индискиот сој во смисла на спречување на тешки форми на болеста и на забавување на ширењето на инфекцијата, пишува Би-Би-Си.