Собраните на пропалестинскиот митинг во Турција денеска се обидоа да упаднат во воздушната база во која се стационирани американски војници.

Полицијата употреби солзавец и водени топови за да ја растера толпата, а многумина вееја турски и палестински знамиња, објави Ројтерс.

Демонстрантите уриваа и барикади, се судрија со полицијата и фрлаа со пластични столчиња и камења по нив.

Претседателот на исламистичката турска хуманитарна агенција за хуманитарна помош ИХХ, Фондацијата за хуманитарна помош, Булент Јилдирим, им се обрати на толпата во Адана и ги повика да се воздржат од напади врз полицијата, објави Гардијан.

„Пријатели, не е во ред да се фрлаат камења или да се прават слични работи, бидејќи и полицијата и војниците би сакале да одат во Газа и да се борат и ќе си заминат кога ќе дојде време“, рече тој.

Turkish police scatter pro-Palestinian demonstrators who had gathered near the Turkish Incirlik air base, where American forces conduct strategic missions.#Turkey #USA pic.twitter.com/qGw3mSX0q7

— Quds News Network (@QudsNen) November 5, 2023

Турција вчера го отповика својот амбасадор од Израел, наведувајќи го како причина израелското „одбивање на повиците за прекин на огнот“ и зголемениот број жртви во Газа, каде што повеќе од 9.700 Палестинци се убиени во израелските воздушни напади.

Во меѓувреме, минатиот месец, Израел ги повлече своите дипломати од Турција, откако турскиот претседател Реџеп Таип Ердоган го нарече Израел „окупатор“ на пропалестинскиот митинг.

Фото: Принтскрин/Твитер