Израелците велат дека Хамас се крие под болница во Газа.

Одбранбените сили на Израел (ИДФ) денеска објавија визуелни и аудио снимки за кои тврдат дека се доказ дека милитантите на Хамас се кријат во и под најголемата болница во Газа.

„Нивните приоритети се јасни, а луѓето што живеат во Газа не се меѓу нив“, се вели во соопштението на ИДФ.

Велат дека болницата Шифа, најголемата болница во Газа, е база за терористите на Хамас.

Палестинската терористичка група Хамас според Израелците, користи околу 1.500 болнички кревети и 4.000 медицински персонал како засолниште во кое планира терористички активности. 

„Таму кријат осудени убијци и складираат оружје наменето за тероризам, со што се загрозуваат илјадници пациенти и болнички персонал“, тврдат од ИДФ.

ИДФ објави и аудио снимка за која вели дека е разговор меѓу двајца жители на Газа. Во разговорот еден од луѓето кажува дека базата на военото крило на Хамас се наоѓа под болницата Шифа. Овие тврдења не се независно потврдени.