Хамас наведува дека е подготвен да ги ослободи сите цивилни заложници, но не и заробените припадници на израелската армија!

– За нивно ослободување потребни се преговори и меѓусебна размена на заробеници со Израел – изјави за РИА шефот на одделот за надворешни односи на палестинската група Муса Абу Марзук.

Марзук наведува дека во моментов нема напредок во преговорите за ослободување на израелските заложници кои ги држи Хамас.

- Нашиот став е да ги поделиме заложниците во две категории. Едниот се невините цивили кои ќе бидат ослободени затоа што нема вина за нив. Нивното заробување е резултат на хаосот што настана по поразот на израелските бригади во Газа и ќе ги ослободиме кога ќе се создадат соодветни услови. Ослободувањето на армијата бара преговори и размена на затвореници. Заробивме стотици воени лица - додаде Марзук.

Според него, Хамас од руското Министерство за надворешни работи добил список од осум Руси кои можеби се меѓу заложниците и е подготвен да ги ослободи.

- Добивме список на граѓани кои имаат двојно државјанство. Ние сме многу внимателни за тој список и внимателно ќе го обработиме бидејќи Русија ја гледаме како наш најблизок пријател. Ние ги третираме цивилите кои беа земени и сега се во Газа како гости. Сега ги бараме овие луѓе, тешко е, но бараме и ќе ги ослободиме веднаш штом ги најдеме и покрај тешкотиите поради моменталната ситуација - рече Марзук.

ИД денеска соопшти дека по најтешкото бомбардирање на Газа од почетокот на конфликтот, започнала голема копнена интервенција.