Грција, Хрватска и Италија се со најмалку вработени во ЕУ, а на врвот се Шведска и Германија.

Во Шведска работат 80.5% од луѓето до 64 години. Во Хрватска стапката на вработеност е 60.5%, исто како и Италија, а полоша е Грција со 54.9% вработеност. Во групата на земји со ниска стапка на вработеност е и Шпанија со 62%, Романија 66%, Бугарија 67.1%, Белгија 67.2%, и Словачка 67.7%.

Високо котираат Германија со 78% вработеност, Велика Британија 76.9%, Данска и Естонија со 76.5%.  Во Холандија вработеноста на населението  е 76.4%, Чешка 74.8%, Австрија 74.3%, Литванија 73.4%, Финска 72.9%, и Латвија 72.5%.

Челниците на ЕУ кажаа дека во наредните години ќе воведат мерки за намалување на невработеноста, при што посебен акцент ќе биде ставен на луѓето кои се во неповолна положба.