Грците во просек работат најмногу во цела Европска унија, покажа истражувањето на Евростат, објавено во пресрет на Денот на трудот. По нив следуваат Бугарите, Полјаците, Чесите и Словаците. Во овие земји, работниците работат повеќе од 40 часа неделно, покажало истражувањето на Евростат. Најмалку, пак, работат Холанѓаните - само 30 часа во текот на неделата. На дното на листата се и скандинавските земји, но и дисциплинираните Германци и Австријци. Останатите земји во ЕУ се некаде меѓу овие два екстрема. Заклучокот на истражувањето е дека во развиените европски земји се работи - помалку.